【隔離營生活】一家三口尼泊爾回港入住隔離營 港媽公開帶BB隔離注意事項
發布時間: 2020/07/30 14:07
最後更新: 2020/07/30 14:17
▲ 港媽一家從尼泊爾回港,分享帶嬰幼兒入住隔離注意事項。
本港新冠肺炎疫情爆發第三波,不少市民因為家人確診而被列為緊密接觸者,被安排進入不同的隔離營隔離。另有剛回港人士亦需隔離,一名由海外返港的港媽Carrie於社交媒體發帖文,分享一家人包括歲半兒子入住隔離營的實況。
港媽Carrie與尼泊爾籍丈夫及歲半兒子因喪事急回尼泊爾,7月初回港,當時凌晨2時30分抵港,完成所有測試及登記後,立即被送到鯉魚門度假村隔離營。Carrie表示,入住隔離營的三人家庭房比想像中「高質」。
我哋被分派到向山位置,落地玻璃有好充足陽光,朝朝起身就睇到藍天樹景,仲可以坐出去小陽台吸下新鮮空氣。
隔離營設施簇新 親友可送物資
另外,隔離營內的設施簇新,有3張單人床、2個衣櫃、櫃桶及枱,另有熱水煲和冷氣。加上,浴室廁所分開,日用品非常齊備,「撇除你自己嘅個人用品,你可以咩都唔帶就入營。」
由於Carrie一家三口落機便直接到隔離營,物資需由親友送到營外,「個陣可以日日送嘢過來,而家好似要有必要原因先可以送。」她建議,如果是緊密接觸者要到隔離營,一定要在出發前將所需物資收拾好。
隔離營嘅食物未必啱小朋友食,記得帶電磁爐加工飯盒,乾糧都非常重要。
建議帶電磁爐加工飯盒
她表示,因隔離營沒有雪櫃又不能帶新鮮食材:
如果BB食母乳只能埋身餵,開始食固體食物嘅BB唯有食即食糊仔。
所以,電磁爐、小砧板和刀等這時可以發揮作用,她指將幾個味道不太好飯盒加工,變成美味嬰兒爛飯。
營內提供少量嬰幼兒用品
由於兒子只有歲半,隔離14日亦需要大量嬰兒物資,Carrie表示,BB使用的奶粉、尿片、濕紙巾及即食糊仔均需自己準備,營內會有BB床、BB浴盆、奶樽及奶樽消毒機。
在戶外保持社交距離佩戴口罩
Carrie覺得最難解決就是小朋友的娛樂問題,「這個營可以行出自己間房,更可到山上戶外嘅地方放電。」不過,營內有告示提醒隔離人士不可以聚集,到戶外地方應保持社交距離,亦需佩戴口罩。
不過我曾試過在早上8點前較少人時帶BB外出跑動下,但建議少出為妙。
準備足夠玩具予小孩
隔離營位於山上,地下有樹枝、樹葉及石頭,Carrie會讓兒子執樹枝玩耍。
入營記得帶多款玩具,唔好一次過show hand,每3至4日俾一個新嘅玩具,拎新嘢就收埋舊嘢兩三日。
她建議玩具品種多元化,愈多愈好,密集式陪玩14日,是另類親子體驗。
Carrie感恩可以派到質素較高的房間,令他們隔離的心態變得不一樣。
唔係想分享免費14日度假之旅,但隔離係事實,心態放鬆啲。感謝醫護人員辛勤檢疫,努力保護社區。
實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS
TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ
訂閱Telegram最新🍴✈️🎁優惠及送禮情報︰bit.ly/3bebLM2
記者:梁節儀